شوہر کو مذاق میں دوسری شادی کا مشورہ دیا تھا،وہ پریشان ہوگئے :اداکارہ منزہ عارف

معروف سینئر اداکارہ منزہ عارف نے ایک انٹرویو میں اپنی نجی زندگی اور کیریئر پر گفتگو کرتے ہوئے انکشاف کیا کہ انہوں نے اپنے شوہر کو ہلکے پھلکے انداز میں دوسری شادی کا مشورہ دیا تھا، تاہم ان کے شوہر نے اسے سنجیدہ لینے کے بجائے حیرانی کا اظہار کیا۔

 شوہر کی سپورٹ

منزہ عارف نے بتایا کہ شوبز میں آنے سے پہلے وہ لاہور میں بطور ماہرِ تعلیم کام کرتی تھیں، اور پروجیکٹس کے باعث طویل عرصے سے کراچی میں مقیم ہیں۔
انہوں نے کہا کہ کراچی میں رہنے کی وجہ سے انہیں ہمیشہ شوہر کی فکر رہتی ہے، مگر ان کے شوہر ہر سفر میں انہیں ائیرپورٹ چھوڑنے اور لینے آتے تھے اور بھرپور ساتھ دیتے تھے۔

 سب سے بڑا سہارا 

اداکارہ نے کہا کہ ان کے شوہر محبت، اعتماد اور حوصلہ افزائی کے ساتھ ہمیشہ ان کے ساتھ کھڑے رہے ہیں۔ان کے مطابق شوہر کی سپورٹ ہی ان کی کیریئر میں کامیابی کی سب سے بڑی وجہ ہے۔

دوسری شادی کا مشورہ

منزہ عارف نے بتایا کہ طویل قیام کے باعث انہوں نے شوہر سے مذاق میں کہا کہ اگر وہ چاہیں تو دوسری شادی کر سکتے ہیں، شاید وہ تنہائی محسوس کرتے ہوں۔
انہوں نے ہنستے ہوئے کہا کہ انہیں لگا تھا کہ شوہر خوش ہو جائیں گے، مگر وہ الٹا پریشان ہوگئے اور پوچھنے لگے کہ آخر وہ ایسا مشورہ کیوں دے رہی ہیں۔

میاں بیوی کا  مذاق

اداکارہ نے واضح کیا کہ یہ صرف ایک ہلکا پھلکا مذاق تھا جسے ان کے شوہر نے کبھی سنجیدہ نہیں لیا۔منزہ عارف نے اپنے شوہر کو مکمل گرین فلیگ قرار دیتے ہوئے کہا کہ وہ ہر قدم پر ان کی سپورٹ میں موجود رہتے ہیں۔