آرمی چیف کا پاک فضائیہ کی کثیرالقومی مشق انڈس شیلڈ 2024 کا مشاہدہ ، تیاریوں پر اظہار اطمینان

پاک فوج کے سربراہ جنرل عاصم منیرنے کثیرالقومی مشق انڈس شیلڈ 2024 کا مشاہدہ کیا۔ انہوں نےپاک فضائیہ کی جنگی تیاریوں پراطمینان کااظہار کیا۔

آئی ایس پی آر کے مطابق کثیر القومی مشق انڈس 2024 کے مشاہدے کے لئے آمد پر چیف آف ائیر اسٹاف، ائیر چیف مارشل ظہیر احمد بابر نے آرمی چیف جنرل عاصم منیر کا استقبال کیا، اس موقع پر پاک بحریہ کے سربراہ ایڈمرل نوید اشرف بھی موجود تھے۔

آرمی چیف نے مشقوں کے آپریشنز، ٹیکنالوجیز کے ڈسپلےکا مشاہدہ کیا، انہیں سکیورٹی چیلنجز سے ہم آہنگ رہنےکیلئے پاک فضائیہ کی کوششوں پربریفنگ بھی دی گئی اور آرمی چیف جنرل عاصم منیر نے ائیر کریو سے بات بھی کی۔

پاک فوج کے سربراہ جنرل سید عاصم منیر نے فضائی سرحدوں کی حفاظت کیلئے پی اےایف اہلکاروں کےعزم کو سراہا اوراپ گریڈیشن کے مختلف پروگرامزکے ذریعے پیشرفت پر اطمینان کا اظہار کرتے ہوئے انٹر سروسز تعاون کے اہم کردار پر زور دیا اور کہا کہ یہ تعاون آپریشنل کامیابی کے حصول کے لیے ضروری ہے۔

اس موقع پر پاک فضائیہ کے سربراہ نے آرمی چیف کے دورے پر شکریہ ادا کیا اور کہا کہ آرمی چیف کا دورہ تربیت اور آپریشنل کے شعبے میں فوج اور فضائیہ کے درمیان تعاون بڑھانے کے عزم کو تقویت دیتا ہے۔

ائیرچیف مارشل ظہیر احمد بابر کا کہنا تھا مشق انڈس شیلڈ شریک ممالک کے درمیان باہمی تعاون بڑھانےمیں اہم کرداراداکرےگی، مشق اپنے فضائی اور زمینی عملےکو جنگی چیلنجز کا سامنا کرنےکی تربیت دےگی۔مشق انڈس شیلڈ 2024 خطے کی سب سے بڑی کثیر القومی مشق ہے، مشق انڈس شیلڈ میں 24 فضائی افواج شریک ہیں۔

مزید خبروں کیلئے وزٹ کریں