آصف زرداری نے صدر پاکستان کے عہدے کا حلف اٹھا لیا

ومنتخب صدر آصف علی زرداری نے دوسری بار صدر کے عہدے کا حلف اٹھا لیا۔

نومنتخب صدر آصف علی زرداری کی تقریب حلف برداری اسلام آباد میں ہوئی، چیف جسٹس پاکستان قاضی فائز عیسیٰ نومنتخب صدر سے حلف لیا، حلف برداری کی تقریب میں وزیراعظم شہبازشریف نے بھی شرکت کی۔

حلف برداری کی تقریب میں آرمی چیف جنرل عاصم منیر بھی شریک ہوئے، چیئرمین جوائنٹ چیفس آف سٹاف کمیٹی جنرل ساحر شمشاد مرزا بھی شریک ہوئے، ایئرچیف مارشل ظہیر احمد بابر اور نیول چیف ایڈمرل نوید اشرف بھی شریک ہوئے۔

مسلم لیگ ن کے قائد نوازشریف نے بھی تقریب میں شرکت کی، اراکین اسمبلی سمیت دیگر اہم شخصیات تقریب میں شریک ہوئیں۔