نواز شریف کی کامیابی کے خلاف درخواست پرعدالت کی ریٹرننگ افسر سے رجوع کی ہدایت

لاہور ہائی کورٹ نے سابق وزیرِ اعظم نواز شریف کی کامیابی کے خلاف دائر درخواست پر سماعت کرتے ہوئے درخواست گزار کو ریٹرننگ افسر سے رجوع کی ہدایت کی ہے۔

جسٹس علی باقر نجفی نے قومی اسمبلی کے حلقہ این اے 130 سے امیدوار اشتیاق چوہدری کی درخواست پر سماعت کی۔ درخواست گزار نے مؤقف اختیار کیا کہ مخالف امیدوار نواز شریف کو مبینہ طور پر دھاندلی کے ساتھ کامیاب کروایا گیا ہے۔

درخواست گزار نے کہا کہ انتخابی نتیجے کے مطابق 14 امیدواروں کوصفر ووٹ ملا۔ جس پر عدالت نے استفسار کیا کہ آپ نے ریٹرننگ افسر کو درخواست دی ہے ؟ درخواست گزار نے کہا کہ عدالت میری اس پٹیشن کو ہی درخواست تصور کرلے اور ڈائریکشن جاری کردے کہ آج ہی درخواست پر فیصلہ ہوجائے۔

لاہور ہائی کورٹ نے درخواست گزار کو آر او سے رجوع کرنے کی ہدایت کر تے ہوئے درخواست نمٹا دی۔

مزید خبروں کیلئے وزٹ کریں