مقبوضہ کشمیر میں ایک فاشسٹ حکومت ہے جو کشمیریوں کی نسل کشی کررہی ہے:مشعال ملک

حریت رہنما یاسین ملک کی اہلیہ مشعال ملک نے وزیراعظم پاکستان شہباز شریف کی یو   این اسمبلی اجلاس خطاب پر ردعمل دیتے ہوئے کہا کہ وزیراعظم پاکستان نے کشمیر کے حالات کو دنیا کے سامنے پیش کیا,

مشعال ملک کا کہنا تھا کہ وزیر اعظم نے بھارت کی کشمیر میں دہشتگردی کو ایکسپوز کیا ہے، کشمیر میں ظلم و بربریت،دس لاکھ فوج کی واپسی اور کالے قوانین کو ختم کیا جائے جب تک اسلحہ اور غیر قانونی فوج کشی کا خاتمہ نہیں ہوتا۔

مشعال ملک کاکہنا تھا کہ پانچ اگست کے غیر قانونی اقدامات کی واپسی نہیں ہوتی تب تک حالات ٹھیک ہونے کا تصور بھی نہیں کیا جاسکتا، وزیراعظم پاکستان نے دنیا کے سامنے بلکل درست موقف پیش کیا ہے، انہوں نے مطالبہ کیا کہ عالمی برادری کو مسئلہ کشمیر پر نوٹس لینا چاہیے۔

انہوں نے کہا کہ ہندوستان کشمیر میں جو کچھ کررہا ہے ، وہ عالمی اور انسانی حقوق کی کھلی خلاف ورزی ہے ، ہندوستان اس وقت دنیا کی سب سے بڑی ریاستی دہشتگردی کررہا ہے، مقبوضہ کشمیر میں ایک فاشسٹ حکومت ہے جوکشمیریوں کی نسل کشی کررہی ہے۔

انہوں نے مزید کہا کہ اکھنڈ بھارت کا بیانہ پورے خطے کو جنگ کی لپیٹ میں لے جاسکتا ہے، دنیا نے اگر مسئلہ کشمیر پر توجہ نہ دی تو یہ کشمیریوں کیساتھ بہت بڑی نانصافی ہو گی، مسئلہ کشمیر ایک فلیش پوائنٹ ہے جس سے پورا خطہ متاثر ہو سکتا ہے۔

مزید خبروں کیلئے وزٹ کریں