نو مئی کو توڑ پھوڑ، صابرشاکر،معید پیرزادہ اور سید اکبر حسین کیخلاف مقدمہ درج

اسلام آباد : نو مئی کو توڑ پھوڑ اور اداروں کیخلاف بغاوت پر اکسانے کے الزام میں صحافی صابرشاکر،معید پیرزادہ اور سید اکبر حسین کیخلاف مقدمہ درج کر لیا گیا۔ ایف آئی آر کے مطابق ملزمان منظم سازش کے ذریعے غیرملکی اور دشمن ایجنسیوں کے آلہ کاربنےہوئےہیں۔
نو مئی کو سوشل میڈیا کے ذریعے اداروں کیخلاف بغاوت پر اکسانے اور توڑپھوڑ کے الزام میں صحافی صابرشاکر،معید پیرزادہ اور سید اکبر حسین کیخلاف مقدمہ درج کر لیا گیا، مقدمہ تھانہ آبپارہ میں انسداد دہشتگردی اوربغاوت کی دفعات کےتحت درج کیا گیا ہے۔
ایف آئی آر کے متن میں کہا گیا ہے کہ ملزمان نے ویڈیو پیغامات اور سوشل میڈیا کے ذریعے سادہ لوگوں کواکسایا،عسکری تنصیبات پرحملہ کرکےملک میں بغاوت اورانتشارپھیلاناچاہ رہے تھے،متن میں کہا گیا کہ ملزمان منظم سازش کے ذریعے غیرملکی اور دشمن ایجنسیوں کےآلہ کاربنےہوئےہیں۔