لیورپول نے سپر کپ کا چوتھی بار ٹائٹل جیت کر تاریخ رقم کر دی

استنبول: لیور پول نے ریکارڈ چوتھی بار فٹ بال سپر کپ کا ٹائٹل جیت لیا، فائنل میں چیلسی کو شکست کی کڑوی گولی نگلنا پڑی، پنلٹی شوٹ آؤٹ نے گول کیپر آدریان ہیرو بن گئے۔

استنبول میں فٹ بال سپر کپ کا سنسنی خیز ٹائٹل مقابلہ ہوا، فیصلہ کن میچ میں لیور پول اور چیلسی کی ٹیمیں آمنے سامنے آئیں، چیلسی کے کھلاڑی گائروڈ نے چھتیسویں منٹ میں گول کیا اسی برتری پر پہلا ہاف ختم ہوا۔

دوسرے ہاف کے شروع میں ہی مینے کے گول سے اسکور برابر کر دیا، اس دوران میچ اعصاب شکن رہا، تاہم پچانوے منٹ پر محمد صلاح کی ٹیم لیورپول نے گول داغ کر سبقت حاصل کر لی۔ اضافی منٹ کی پنلٹی نے پھر حساب برابر کر دیا۔

اس دوران میچ کا فیصلہ پنلٹی شوٹ آؤٹس کے مرحلے میں پہنچا تو لیور پول فاتح قرار پائی۔ مشکل گول روکنے پر آدریان ہیرو بن گئے۔ پانچ چار کی جیت سے لیورپول نے سپر کپ کا چوتھی بار ٹائٹل اپنے نام کر کے تاریخ رقم کی۔