ٹی 20 کرکٹ میں مسلسل چارگیندوں پر4 وکٹیں۔۔۔ ملنگا کا نیا ریکارڈ

کینڈی: سری لنکن فاسٹ باولر لیستھ ملنگا نے ٹی 20 کرکٹ میں مسلسل چار گیندوں پر 4 وکٹیں حاصل کرکے نیا عالمی ریکارڈ بنا لیا جب کہ انہوں نے ٹی ٹوئنٹی میں شاہد آفریدی کا سب سے زیادہ وکٹیں حاصل کرنے کا اعزاز بھی لے اڑے۔

کینڈی میں کھیلے جارہے سیریز کے تیسرے ٹی ٹوئنٹی میں لیستھ ملنگا نے نیوزی لینڈ کی بیٹنگ لائن کے پرخچرے اڑا دیا، ایک ہی اوور میں مسلسل 4 گیندوں پر 4 کھلاڑیوں کو پویلین بھیج کر نہ صرف ہیٹ ترک مکمل کی بلکہ ٹی 20 اور ایک روزہ میچوں میں 4 گیندوں پر 4 وکٹیں لینے والے دنیا ئے کرکٹ کے پہلے بولر بن گئے۔

M A L I N G A 🔥🔥🔥🔥🙏🙏🙏🙏

Four wkts in 4 balls 🤙🤙 #SLvNZ

— Sunil Avula (@avulasunil) September 6, 2019

انٹرنیشنل کریئر میں لیستھ ملنگا نے مجموعی طور پر 5 ہیٹ ٹرک بنائی ہیں، ایک روزہ میچوں میں 3 اور ٹی ٹوئنٹی میں 2 ہیٹ ٹرک کے ساتھ وہ بین الاقوامی کرکٹ میں زیادہ ہیٹ رک کرنے والے بولرز میں سرِ فہرست آگئے ۔

ملنگا نے 2007 میں جنوبی افریقا کے خلاف ون ڈے میں مسلسل 4 گیندوں پر 4 وکٹیں حاصل کی تھیں اور آج 12 سال بعد پیسر نے ٹی ٹوئنٹی میں یہ اعزاز حاصل کیا۔