مودی سرکار کی ریاستی دہشت گردی پر دنیا کب تک خاموش رہے گی؟ عمران خان

اسلام آباد: وزیراعظم عمران خان نے ایک بار بھارتی حکومت کی ریاستی دہشت گردی اور عالمی برادری کی خاموشی تشویش کا اظہار کرتے ہوئے کہا ہے کہ دنیا کب تک فسطائی مودی سرکار کی ریاستی دہشت گردی پر خاموش رہے گی۔

سماجی رابطے کی ویب سائٹ ٹوئٹر پر وزیراعظم عمران خان نے بھارت کے اندر اقلیتوں بالخصوص مسلمانوں پر مظالم اور ریاستی دہشت گردی سے متعلق بھارتی جریدے کا مضمون شیئر کیا۔

انتہاء پسند سفاک مودی سرکار ریاستی دہشت گردی پر اتری ہوئی ہے اور دنیا خاموش تماشائی کا کردار ادا کررہی ہے۔ اقوام عالم آخر کب تک چپ سادھے مودی سرکار کی بربریت کا نظارہ کرتی رہیں گی؟
https://t.co/GbIzHtEUlq

— Imran Khan (@ImranKhanPTI) January 3, 2020

وزیراعظم عمران خان نے ٹویٹر پر جاری اپنے پیغام میں کہا ہے کہ فسطائی مودی سرکار ریاستی دہشت گردی میں ملوث ہے، دنیا کب تک اس ریاستی دہشت گردی پر خاموش رہے گی۔