کشمیر سے توجہ ہٹانے کیلئے بھارت فالس فلیگ آپریشن کی تیاری کر رہا ہے، عمران خان

اسلام آباد: وزیراعظم عمران خان نے ایک بار پھر دنیا کو خبردار کیا ہے کہ مقبوضہ کشمیر میں مظالم سے توجہ ہٹانے کے لیے مودی سرکار فالس فلیگ آپریشن کی تیاری میں مصروف ہے۔

سماجی رابطوں کی ویب سائٹ پرجاری اپنے بیان میں عمران خان نے کہا کہ بھارتی ہندو انتہا پسند تنظیم راشٹریہ سیوک سنگھ (آر ایس ایس) سے متاثر نریندر مودی کا مقبوضہ کشمیر سے متعلق نظریہ واضح ہو چکا ہے، بھارت نے غیرقانونی طریقے سے قبضہ کرکے کشمیریوں کو حق خود ارادیت سے محروم کیا۔

وزیرِاعظم نے کہا کہ مودی سرکار کشمیری بچوں اور عورتوں پر پیلٹ گنز جیسے ہتھیار استعمال کرکے غیر انسانی سلوک کر رہی ہے۔ غیرانسانی لاک ڈاؤن سے مقبوضہ وادی کے عوام کو جبری پابندیوں میں بنیادی اشیا اور ادویات سے بھی محروم رکھا جا رہا ہے۔

اپنے بیان میں عمران خان کا مزید کہنا تھا کہ کشمیری نوجوانوں کو قید اور مواصلاتی رابطے ختم کرکے مقبوضہ کشمیر کا باقی دنیا سے رابطہ منقطع کر دیا گیا ہے۔ مودی کشمیریوں کے حق خود ارادیت کی جدوجہد کو دہشت گردی سے جوڑنے کی کوشش کر رہا ہے۔

Modi's RSS-inspired doctrine on IOJK very clear: First, deprive Kashmiris of their right of self determination by illegal annexation of an Occupied territory. Second, treat them as less than human by a three-pronged approach: one, trying to crush them with brute force incl using

— Imran Khan (@ImranKhanPTI) May 17, 2020

وزیراعظم نے کہا مودی مقبوضہ کشمیر میں ریاستی دہشت گردی، انسانی حقوق کی سنگین پامالیوں سے دنیا کی توجہ ہٹانے کی کوشش کر رہا ہے اور اس مقصد کے لیے بھارت جھوٹے فلیگ آپریشن کی تیاری میں مصروف ہے۔