کنٹرول لائن پربھارتی فائرنگ، پاک فوج کے 2 جوان وطن پر قربان

 بھارت جارحیت سے باز نہ آیا۔ ایل او سی پر ایک مرتبہ پھر فائرنگ کر دی ،پاک فوج کے دو جوان بہادری سے لڑتے ہوئے جام شہادت نوش کر گئے ۔

آئی ایس پی آر کے مطابق بھارتی فورسز نے ایک بار پھر جنگ بندی معاہدے کی خلاف و رزی کرتے ہوئے ایل او سی پر بلا ا شتعال فائرنگ کی ۔ بھارتی فائرنگ سے پاک فوج کے34 سالہ نائیک شاہجان اور 21 سالہ سپاہی حمید بہادری سے لڑتے ہوئے جام شہادت نوش کر گئے ۔

پاکستان فوج نے دشمن منہ توڑ جواب دیتے ہوئے ان کی چیک پوسٹوں کو نشانہ بنایا جس کے نتیجے میں بھارتی فورسز کو بھاری جانی و مالی نقصان ا ٹھانا پڑا۔