مفتی منیب فارغ۔۔۔مولانا عبدالخبیرآزاد رویت ہلال کمیٹی کے نئے چیئرمین مقرر

حکومت نے رویت ہلال کمیٹی کے چیئرمین مفتی منیب کو عہدے سے فارغ کر دیا۔مولاناعبدالخبیرآزاد رویت ہلال کمیٹی کے نئے چیئرمین ہوں گے ،نوٹیفکیشن جاری کر دیا گیا۔

 نوٹیفکیشن کے مطابق رویت ہلال کمیٹی کی تشکیل نُوکرتے ہوئے 19 اراکین کو شامل کیا گیاہے ۔ ان اراکین میں علامہ راغب نعیمی ، مولاناحسین اکبر، مولانا فضل الرحیم،ڈاکٹر یاسین ظفر،مفتی اقبال چشتی، ڈاکٹرمفتی علی اصغر،فیصل احمد اور سید علی قرار نقوی شامل ہیں۔ مفتی فضل جمیل ،حافظ عبدالغفور،یوسف کشمیری،قاری میر اللہ،حبیب اللہ چشتی اور مفتی ضمیر کو بھی رویت ہلال کمیٹی کا حصہ بنایا گیاہے ۔

کمیٹی میں سپارکو،محکمہ موسمیات ،سائنس ٹیکنالوجی اوروزارت مذہبی امورکا ایک ایک نمائندہ بھی شامل کیا  گیاہے۔ مفتی منیب تقریباً دودہائیوں تک رویت ہلال کمیٹی کے چئیرمین رہے۔