جنوبی افریقا کے خلاف 20 رکنی اسکواڈ کا اعلان،کئی نئے کھلاڑی حصہ بن گئے

قومی ٹیم کے نئے چیف سلیکٹر محمد وسیم نے جنوبی افریقا کے خلاف 20 رکنی اسکواڈ کا اعلان کردیا، ڈومیسٹک  میں بہترین کارکردگی دیکھانے والوں کو بھی انعام مل گیا۔

نیوزی لینڈ میں  ناقص کارکردگی  دیکھانے والے شان مسعود ، حارث سہیل ، نسیم شاہ ، محمد عباس اور ظفر گوہر کو ٹیم سے ڈراپ کر دیاگیا جبکہ  ڈومیسٹک کرکٹ میں زبردست کارکردگی دکھانے والے حسن علی، تابش خان، کامران غلام، سعود شکیل ،سلمان علی آغا، ساجد خان، نعمان علی اور محمد نواز کو ٹیم میں شامل کیا ہے ۔

چیف سلیکٹر محمد وسیم کا کہنا تھا کہ سلیکشن کمیٹی نے ڈومیسٹک پر فارمنس کو ترجیح دی ہے جب کہ شاداب خان اور امام الحق کو فٹنس مسائل کی وجہ سے آرام دیا گیا ہے۔

بابراعظم (کپتان)، محمد رضوان (نائب کپتان)، عابد علی، اظہرعلی ، فواد عالم ، عمران بٹ ، عبداللہ شفیق ، کامران غلام ، سلمان علی آغا،  سعود شکیل ،سرفراز احمد، فہیم اشرف ، یاسر شاہ ، شاہین آفریدی، محمد نواز ، نعمان علی ، ساجد خان ، حارث رؤف ، حسن علی اورتابش خان اسکواڈ کا حصہ ہوں گے ۔