سینیٹ الیکشن :جیلوں میں قید ارکان قومی و صوبائی اسمبلی کے پروڈکشن آرڈرز جاری

اسلام آباد:الیکشن کمیشن نے جیلوں میں قید ارکان قومی و صوبائی اسمبلی کے سینیٹ الیکشن کے لیے پروڈکشن آرڈرز جاری کردئیے ہیں۔ الیکشن کمیشن نے پروڈکشن آڈر جاری کرتے ہوئے کہاہے کہ اپوزیشن لیڈرشہباز شریف، پیپلز پارٹی کے رہنماخورشید شاہ، خواجہ آصف، علی وزیر اور رکن صوبائی اسمبلی حمزہ شہباز کو سینیٹ انتخابات میں ووٹ ڈالنے دیا جائے۔

الیکشن کمیشن نے چاروں صوبوں کے چیف سیکریٹریز اور چیئرمین نیب کو ہدایات جاری کی ہیں کہ زیر حراست قومی و صوبائی اسمبلی اراکین کو 3 مارچ کو ایوان میں لایا جائے تاکہ وہ اپنا ووٹ ڈال سکیں۔

الیکشن کمیشن نے کہا ہے کہ ووٹ ڈالنا ہر رکن پارلیمنٹ کا حق ہے اور کسی کو اس کے حق سے محروم نہیں رکھا جاسکتا، قانون کے مطابق الیکشن کمیشن غیر جانبدارانہ اور منصفانہ انتخابات کے انعقاد کا پابند ہے۔