وفاقی کابینہ کی کارروائی آن لائن نظام پر منتقل کرنے کی تیاریاں مکمل

وفاقی کابینہ کی کارروائی کو آن لائن نظام پرمنتقل کرنے کی تیاریاں مکمل کر لی گئیں جس سے سالانہ کروڑوں روپے کی بچت ہوگی۔

وزارت انفارمیشن ٹیکنالوجی اینڈ ٹیلی کمیونی کیشن کے باخبر ذرائع کے مطابق وفاقی کابینہ کی کارروائی آٹومیشن نظام کے تحت عمل میں لانے کے لئے تمام کابینہ اراکین کو ٹیبلیٹس پی سی فراہم کردیئے گئے، ارکان کو کابینہ کا ایجنڈا، سمریاں، منٹس آن لائن فراہم کئے جائیں گے، وزیراعظم کی ہدایت پر انتظامات کو حتمی شکل دے دی گئی ہے۔

ذرائع کا کہنا ہے کہ آن لائن نظام سے حکومت کو سالانہ کروڑوں روپے کی بچت ہوگی، خزانے کو کاغذی استعمال ختم اور پرنٹنگ اخراجات کی بچت ہوگی، آن لائن سسٹم سے حساس معلومات کی رازداری بھی یقینی بنائی جاسکے گی، آٹومیشن نظام کے تحت دستاویزات کے تحفظ کو یقینی بنایا گیا ہے۔