مقبوضہ کشمیرمیں پاکستانی قیدی کاقتل،پاکستان کابھارتی ناظم الامور سے شدیداحتجاج

 اسلام آباد:مقبوضہ کشمیرمیں پاکستانی قیدی کےقتل پر پاکستان نے شدید احتجاج کرتے ہوئے بھارتی ناظم الامور کو دفتر خارجہ طلب کیا ہے۔ترجمان دفتر خارجہ کے مطابق بھارتی ناظم الامورکو دفتر خارجہ میں طلب کیا اور سویلین قیدی ضیا مصطفیٰ کے قتل پر شدید احتجاج کیا ۔ پاکستان نے بھارت سے وضاحت مانگ لی ہے۔

بھارتی ناظم الامور کو بتایا گیاکہ ضیامصطفیٰ 2003 سے بھارت کی قید میں تھا۔ پاکستان نے پاکستانی قیدیوں کی حفاظت اورتحفظ کے حوالے سے شدید تحفظات کا اظہار کیا۔

ترجمان نے کہا کہ یہ پہلی دفعہ نہیں ماضی میں بھی پاکستانی سویلین قیدی مردہ پائےگئے۔ پاکستان بھارت کی ماورائےعدالت قتل کی شدیدمذمت کرتاہے، بھارتی حکومت فوری طورپرشفاف تحقیقات کرےاورذمہ داروں کاتعین کرے۔