لیفٹیننٹ جنرل نگارجوہرآرمی میڈیکل کورکی پہلی خاتون کرنل کمانڈنٹ بن گئیں

 راولپنڈی : آرمی چیف جنرل قمر جاوید باجوہ نے آرمی میڈیکل کور سینٹر ایبٹ آباد کا دورہ کیا اور پاک فوج کی پہلی خاتون لیفٹیننٹ جنرل نگار جوہر کو کرنل کمانڈنٹ آرمی میڈیکل کور کے بیجز لگائے۔ آرمی چیف نے کہاکہ پاک فوج کی پہلی تھری اسٹار خاتون جنرل کے کرنل کمانڈنٹ بننے پر پاک فوج اور پوری قوم کو فخر ہے۔

آئی ایس پی آر کے مطابق آرمی چیف جنرل قمر جاوید باجوہ نےزمانہ جنگ اورامن میں آرمی میڈیکل کورکی خدمات کی تعریف  کرتے ہوئے کہاکہ آرمی میڈیکل کور نے فرض کی ادائیگی میں ہمیشہ بڑھ چڑھ کر اپنا کردار ادا کیا، ڈاکٹرز اور پیرا میڈیکل اسٹاف کورونا کیخلاف جدوجہد میں صف اول کے سپاہی ہیں، آرمی میڈیکل کور کے ڈاکٹرز اور اسٹاف عوام کے تحفظ کیلئے کوشاں ہے۔

آرمی چیف نے کہا کہ پاک فوج کی پہلی تھری اسٹار خاتون جنرل کے کرنل کمانڈنٹ بننے پر پاک فوج اور پوری قوم کو فخر ہے، ڈاکٹرز اور پیرامیڈیکل اسٹاف میڈیکل سائنس میں جدید رجحانات اپنائیں۔آرمی چیف نے یادگار شہداء پر بھی حاضری دی اور فاتحہ خوانی کی۔۔