پاکستان نے چٹاگانگ ٹیسٹ میں بنگلا دیش کو 8 وکٹ سے شکست دے دی

 چٹاگانگ: پاکستان اور بنگلادیش کے درمیان دو ٹیسٹ میچوں کی سیریز کا پہلا ٹیسٹ چٹاگانگ کے ظہور احمد چوہدری اسٹیڈیم میں کھیلا گیا۔ کھیل کے پانچویں اور آخری دن پاکستان نے بغیر کسی نقصان کے 109 رنز سے کھیل کا آغاز کیا اور بنگلادیش کا 202 رنز کا ہدف 2 وکٹ کے نقصان پر حاصل کرلیا۔ پاکستان کی جانب سے اوپنر عابد علی نے 91 اور عبداللہ شفیق نے 73 رنز بنائے۔

کھیل کے چوتھے روز دوسری اننگز میں بنگلادیش کی پوری ٹیم 157 رنز بناکر آؤٹ ہوگئی پاکستان کو جیت کے لیے 202 رنز کا ہدف ملا تھاجس کے تعاقب میں قومی ٹیم نے پراعتماد آغاز کیا اور دن کے اختتام تک بغیر کسی نقصان کے 109 رنز بنائے تھے۔

 بنگلہ دیش نے پہلی اننگز میں 330اور دوسری ا ننگز میں157 رنز بنائے تھے جبکہ پاکستانی نے پہلی اننگز میں 286 رنز بنائے تھے۔ پاکستان کو چھوتھی اننگز میں 202 رنز کا ہدف ملا تھا جو با آسانی پورا کرلیا گیا۔ پہلا ٹیسٹ کھیلنے والے اوپنر عبداللہ شفیق نے دونوں اننگز میں نصف سنچریاں اسکور کیں جبکہ عابد علی نے ایک سینچری اور ایک نصف سینچری اسکور کی ۔