بابراعظم صفر پر بھی آؤٹ ہو جائے توکہوں گا ایک اچھا صفر،ایک اسٹائلش صفر

برسبین : ایشیز سیریز میں برسبین کے میدان پر ٹیسٹ میچ تو انگلینڈ اور آسٹریلیا کے درمیان کھیلا گیا لیکن تعریف بابر اعظم کے بیٹنگ اسٹائل کی ہوتی رہی۔

ٹیسٹ کے دوران ایک موقع پر جب ڈیوڈ ملان بیٹنگ کر رہے تھے تو کمنٹری باکس میں موجود مارک ہورڈ اور کیری او کیف بابر اعظم کی بیٹنگ پر گفتگو کرتے پائے گئے۔

مارک ہورڈ کا کہنا تھا میں جانتا ہوں کہ آپ کو بابر اعظم بہت اچھا لگتا ہے اور جب بھی اس کا نام آتا ہے تو آپ مسکرانے لگتے ہیں۔

کمنٹیٹر کیری اوکیف نے جواب دیتے ہوئے کہا کہ بابر اعظم 20 گیندیں کھیل کر بھی صفر پر آؤٹ ہو جائے تو بھی میں کہوں گا کہ بابرنے اچھی بیٹنگ کی، ایک اچھا صفر، ایک اسٹائلش صفر۔