پاکستان میں مہنگائی کی شرح 22 ماہ کی بلند ترین سطح پر پہنچ گئی

 اسلام آباد: پیٹرولیم مصنوعات کی قیمتوں میں اضافے کے ساتھ روز مرہ استعمال کی اشیاء مہنگی ہونے سے پاکستان میں مہنگائی کی شرح 22 ماہ کی بلند ترین سطح پر پہنچ گئی۔

 وفاقی ادارہ شماریات کی جانب سے جاری اعداد و شمار کے مطابق سال 2021 کے دوران تسلسل سے مہنگائی میں اضافہ ہوا۔ دسمبر 2021 میں مہنگائی کی شرح میں 12.3 فیصد کا اضافہ ہوا۔

نومبر 2021 میں مہنگائی 11.55 فیصد رہی جب کہ دسمبر 2020 میں افراط زر کی شرح 8 فیصد رہی تھی، سال 2020 کے چھ ماہ کے دوران مہنگائی کی شرح 8.63 فیصد رہی تھی۔