دورہ پاکستان کے لئے آسٹریلیا کے ون ڈے اور ٹی ٹوئنٹی اسکواڈ کا اعلان

اسلام آباد : آسٹریلیا نے دورہ پاکستان کے لیے ون ڈے اور ٹی ٹوئنٹی اسکواڈ کا اعلان کر دیا۔

آسٹریلین کرکٹ بورڈ کے مطابق ایرون فنچ وائٹ بال فارمیٹ میں آسٹریلوی ٹیم کی قیادت کریں گے۔ سین ایبٹ،ایشٹن اگر،جیسن ،ایلکس کیری،نیتھن ایلس اور کیمرون گرین ٹیم کا حصہ ہیں۔

ICYMI: Australia have named their squad for three ODIs and one T20 against Pakistan #PAKvAUS

See the full details here: https://t.co/LYj33si8de pic.twitter.com/fM8ykVieHR

— cricket.com.au (@cricketcomau) February 22, 2022

ٹریوس ہیڈ،جوش انگلس،مارنوس لیبوشین،مچل مارش اور بین میک ڈرمٹ اسکواڈ میں شامل ہیں۔ کے رچرڈسن،اسٹیو سمتھ،مارکوس اسٹوئنس اور ایڈم زامپا بھی ٹیم میں شامل ہیں۔

پاکستان اور آسٹریلیا کے درمیان 3 ون ڈے اور ایک ٹی ٹوئنٹی میچ کھیلا جائے گا۔ ون ڈے میچز 29 مارچ،31 مارچ اور 2 اپریل کو شیڈول ہیں ۔ 5 اپریل کو دونوں ٹیمیں واحد ٹی ٹوئنٹی میچ میں آمنے سامنے آئیں گی۔سیریز کے تمام میچز راولپنڈی میں کھیلے جائیں گے۔