قومی اسمبلی کا اجلاس کل دن بارہ بجے طلب کرلیا گیا

 اسلام آباد: قومی اسمبلی کا اجلاس کل دن بارہ بجے طلب کرلیا گیا، پانچ نکاتی ایجنڈا جاری کردیا گیا، اجلاس میں نئے اسپیکر کا انتخاب اور حلف ہوگا جبکہ ڈپٹی اسپیکر کے خلاف تحریک عدم اعتماد پیش کی جائے گی ۔

ایجنڈے کے مطابق قومی اسمبلی اجلاس میں ڈپٹی اسپیکر کے خلاف تحریک عدم اعتماد پر ووٹنگ ہو گی ۔ اپوزیشن نے 8 اپریل کو ڈپٹی اسپیکر قاسم سوری کے خلاف تحریک عدم اعتماد جمع کرائی تھی۔دوسری جانب پیپلزپارٹی کے رہنما راجہ پرویز اشرف نے اسپیکر قومی اسمبلی کے لیے کاغذات نامزدگی جمع کروا دئیے ہیں ،،مقررہ وقت تک صرف راجہ پرویز اشرف نے ہی کاغذات جمع کروائے،وقت ختم ہونے کے بعد راجہ پرویز اشرف بلا مقابلہ اسپیکر قومی اسمبلی منتخب ہوگئے،وہ آج اپنے عہدے کا حلف اٹھائیں گے۔