پنجاب اسمبلی میں ہنگامہ آرائی،زخمی خاتون رکن پنجاب اسمبلی کی حالت تشویشناک

 لاہور: پنجاب اسمبلی میں ہنگامہ آرائی اور مبینہ پولیس تشدد سے زخمی ہونے والی خاتون رکنِ اسمبلی آسیہ امجد کی حالت تشویشناک ہوگئی، پاکستان تحریک انصاف کی رکن صوبائی اسمبلی ،آسیہ امجد چیئرپرسن پارلیمانی کمیٹی برائے ہائیر ایجوکیشن ہیں۔

 آسیہ امجد کو پنجاب اسمبلی میں ہنگامے کےبعد گردن میں اسٹریس کے باعث نجی اسپتال منتقل کیا گیا، جہاں ڈاکٹرز نے حالت کو دیکھتے ہوئے راولپنڈی ایم اے ایچ اسپتال ریفر کردیا۔ راولپنڈی ایم اے ایچ اسپتال میں ڈاکٹر نے معائنے کے بعد بتایا کہ آسیہ امجد کے دماغ میں خون جم گیا ہے، جس کے باعث اُن کی اینجوگرافی کی گئی لیکن طبیعت نہ سنبھل سکی اور وہ کوما میں چلی گئیں۔

ڈاکٹرز کے مطابق خاتون ایم پی اے آسیہ امجد اس وقت ایم ایچ اسپتال میں وینٹی لیٹر پر ہیں اور وہ مشینی سانس پر ہی زندہ ہیں۔ ڈاکٹرز نے اُن کی طبیعت کو انتہائی تشویشناک قرار دیا ہے۔