الیکشن کمیشن نے حمزہ شہباز کو ضابطہ اخلاق کی خلاف ورزی طلب کر لیا

اسلام آباد : الیکشن کمیشن نے پنجاب ضمنی انتخابات سے متعلق ضابطہ اخلاق کی خلاف ورزی پر وزیراعلی پنجاب حمزہ شہباز کو نوٹس جاری کرکے 7 جولائی کو جواب طلب  کر لیا ہے۔

الیکشن کمیشن نے پنجاب کے 20 حلقوں میں انتخابات کے شیڈیول کا اعلان 25 مئی 2022 کیا تھا۔ الیکشن کمیشن کے جاری کردہ ضابطہ اخلاق کے مطابق کوئی سرکاری عہدیدار، منتخب نمائندہ یا حکومتی عہدیدار الیکشن شیڈیول کے اعلان کے بعد ان حلقوں میں کسی ترقیاتی سکیم کا اعلان نہیں کرسکتا۔

 الیکشن کمیشن نے نوٹس وزیر اعلی پنجاب حمزہ شہباز کے ” روشن گھرانہ پروگرام ” کے تحت بجلی صارفین کے لئے 100 یونٹ سبسڈی ریلیف پیکج کے حوالے سے دیا ہے۔ یاد رہے کہ ریلیف پیکج کا اعلان وزیر اعلی پنجاب کی جانب سے  4 جولائی 2022 کو کیا گیا جبکہ الیکشن شیڈیول 25 مئی 2022 کو جاری کیا گیا تھا۔