پاک فوج میں عمران خان کے بیان پر شدید غم و غصہ ہے، ترجمان پاک فوج

راولپنڈی : ترجمان پاک فوج کی جانب سے فیصل آبا دجلسے میں افواج پاکستان سے متعلق بیان پر ردعمل دیتے ہوئے کہا ہے کہ ہتک آمیزاور انتہائی غیر ضروری بیان پر پاکستان آرمی میں شدید غم و غصہ ہے۔ نازک وقت میں پاک فوج کی سینئر قیادت کو متنازعہ بنانے کی کوشش انتہائی افسوسناک ہے۔

ترجمان پاک فوج نے کہا کہ پاک فوج قوم کی سیکورٹی اور حفاظت کے لیے ہر روز جانیں قربان کر رہی ہے۔ پاک فوج کی سینئر قیادت کی اہلیت اور حب الوطنی ان کی دہائیوں پر محیط ہے۔ پاک فوج کی سینئر قیادت داغ اور شاندارعسکری خدمات سے عیاں ہے۔

ترجمان پاک فوج کا کہنا ہے کہ پاک فوج کی اعلیٰ قیادت کو سیاست میں ملوث کرنے کی کوشش ہے۔ آرمی چیف کی تعیناتی کے طریقہ کار کو متنازعہ بنانا  نہ پاکستان کے مفاد میں ہے اور نہ ہی پاک فوج کے مفاد میں ہے۔ ان کا کہنا تھا کہ پاکستان آرمی اسلامی جمہوریہ پاکستان کے آئین کی بالادستی کے عزم پر قائم ہے۔