دنیا ہیرو مانتی ہے، پاکستانی میچ فکسر کہتے ہیں، وسیم اکرم

سابق کپتان وسیم اکرم نے پاکستانی سوشل میڈیا صارفین سے ناراضگی کا اظہار کر دیا۔

وسیم اکرم نے کہا کہ آسٹریلیا، ویسٹ انڈیز، انگلینڈ، بھارت میں جب ورلڈ 11 کی بات ہوتی ہے، دنیا کے بہترین بولرز کی بات کرتے ہیں تو وہ میرا نام لیتے ہیں، لیکن پاکستان میں سوشل میڈیا جنریشن مجھے میچ فکسر کہتی ہے۔

آسٹریلوی ٹی وہ شو میں انٹرویو دیتے ہوئے وسیم اکرم نے کہا کہ میرے ہر اسٹیٹس کے کمنٹس میں میچ فکسر کہا جاتا ہے حالانکہ یہ لوگ جانتے ہی نہیں کہ اصل واقع کیا تھا، جس کی وجہ سے وہ کوئی عرصے تک پریشان بھی ہوتے رہے ہیں۔

پاکستان میں 1990 کی دہائی میں سابق فاسٹ باولرعطا الرحمن نے وسیم اکرم پر الزام لگایا تھا کہ انہوں نے انہیں وسیم اکرم نے میچ فکسنگ کیلئے پیسوں کی پیشکش کی تھی۔