بابر اعظم آئی سی سی ون ڈے ٹیم آف دی ائیر کے کپتان مقرر

اسلام آباد : قومی کرکٹ ٹیم کے کپتان بابر اعظم کو سال 2022 کی بہترین ون ڈے ٹیم کا کپتان مقرر کیا گیا ہے۔

آئی سی سی نے مینز ون ڈے ٹیم آف دی ائیر کا اعلان کردیا ہے۔ قومی ٹیم کے کپتان بابراعظم کوون ڈے ٹیم آف دی ائیر کا کپتان مقرر کیا گیا ہے۔

بابر اعظم نے سال 2022 میں 9 میچوں میں 679 رنز بنائے۔ بابر اعظم نے سال 2022 میں 3 سنچریاں بھی بنائیں اور ان کی بیٹنگ اوسط84 اعشاریہ 87 رہی۔

آئی سی سی کی دیگر ٹیم میں ٹریوس ہیڈ،شائے ہوپ،شریاس ایئر،ٹام لاتھم،سکندر رضا، مہدی حسن میراز،الزاری جوزف،محمد سراج،ٹرینٹ بولٹ اور ایڈم زیمپا شامل ہیں۔