کسی بھی جارحیت کا پوری فوجی طاقت کیساتھ جواب دیاجائے گا،آرمی چیف

آرمی چیف جنرل سید عاصم منیر نے کہا ہے کہ پاک فوج ہرطرح کےخطرے سےنمٹنےکےلیے تیارہے ۔ کسی بھی جارحیت کا پوری فوجی طاقت کیساتھ جواب دیاجائے گا۔پاکستان حق خودارادیت کی جدوجہد میں ہمیشہ کشمیریوں کے شانہ بشانہ کھڑا رہے گا ۔

آئی ایس پی آر کے مطابق نگران وزیر اعظم انوار الحق اور آرمی چیف جنرل سید عاصم منیر نے مظفرآباد کا دورہ کیا ۔   وزیر اعظم آزاد کشمیر کے ہمراہ قومی قیادت کی یادگار مظفرآباد پر حاضری دی ۔ آرمی چیف نے لائن آف کنٹرول کے اگلے مورچوں پر تعینات فوجی جوانوں سے بھی ملاقات کی ۔

آرمی چیف نے کہاکہ بھارت ریاستی دہشتگرد ی کے ذریعے معصوم پاکستانی شہریوں کونشانہ بنارہاہے جو بین الاقوامی قوانین اوراقتدارکےمنافی ہیں۔۔بھارت کی دیگرممالک میں مداخلت بےنقاب اور شرمناک چہرہ دنیاکےسامنےآچکاہے۔ پاکستان اپنے شہریوں کےتحفظ کےلیے ایسے تمام عزائم خاک میں ملادےگا۔

وزیراعظم پاکستان ،وزیر اعظم آزاد کشمیر اور آرمی چیف نے یادگار مظفرآباد پر بھی حاضری دی۔پھولوں کی چادر چڑھائی۔ شہداء کی عظیم قربانیوں کو شاندار خراج عقیدت بھی پیش کیا۔

   قومی قیادت نے کہاکہ قابض بھارتی افواج کے ظلم و بربریت کے سامنے کشمیریوں کی استقامت مثالی ہے ۔   مقبوضہ  کشمیرکی آبادی کو تبدیل کرنے کی سازشیں کشمیری عوام کے عزم کو دبا نہیں سکتیں ۔