عالمی وباء کے دوران ہاتھوں کے ساتھ ساتھ دل بھی صاف رکھیں، مہوش حیات
اسلام آباد: پاکستان کی خوبرو اداکارہ مہوش حیات نے عالمی وباء کورونا کے دوران لوگوں کو ہاتھوں کے ساتھ دل بھی صاف رکھنے کا پیغام دیا ہے۔
مہوش حیات نے سماجی رابطے کی ویب سائٹ انسٹاگرام پر اپنی ایک خوبصورت تصویر شیئر کی اور اس کے ساتھ لوگوں کو پیغام بھی دیا کہ ہاتھوں کے ساتھ ساتھ دل بھی صاف رکھیں۔ ان کے اس پیغام کو ساتھی اداکاروں، پرستاروں کے ساتھ ساتھ سوشل میڈیا صارفین نے بھی بے حد سراہا۔
اس سے قبل بھی مہوش حیات کورونا وائرس کے دوران احتیاطی تدابیر اختیار کرنے سے متعلق سوشل میڈیا پر پیغام دے چکی ہیں ایک ویڈیو پیغام میں اداکارہ نے عوام سے ذمہ داری کا مظاہرہ کرنے کی درخواست کی تھی اور کہا تھا ذرا سی لاپرواہی لاتعداد زندگیوں کو خطرے میں ڈال سکتی ہے۔
Comments are closed.