عامر لیاقت اور طوبی ٰعامر بھی کورونا وائرس کاشکار ہوگئے

ٹی وی میزبان اور تحریک انصاف کے رکن قومی اسمبلی عامر لیاقت حسین اور ان کی دوسری اہلیہ طوبیٰ عامر بھی کورونا وائرس کا شکار ہوگئے۔ عامر لیاقت حسین نے اپنے اور اہلیہ کے کورونا وائرس میں مبتلا ہونے کی خبر ٹوئٹر کے ذریعے دی۔ انہوں نے کہاکہ ہم دونوں بدنام کووڈ 19 کے حملے کی زد میں ہیں اور ہم دونوں اس کے متاثرین ہیں۔

 عامرلیاقت نے کہاکہ انہیں اور ان کی اہلیہ کو کورونا میں مبتلا ہوئے آج دوسرا دن ہے۔ تاہم وہ گھریلو نسخوں سے اس مرض کا علاج کرنے کی کوشش کررہے ہیں۔ عامر لیاقت نے کورونا وائرس کا علاج بھی بتایا اور قرآن شریف کی آیت شیئر کی ۔

عامر لیاقت نے کچن میں استعمال ہونے والے چند مصالحوں کے نام بھی لکھے جن میں ادرک، لہسن، کلونجی، کالی مرچ، لونگ، اسٹار میز اور دار چینی شامل ہیں،کہا یہ تمام چیزیں کورونا کے علاج میں مددگار ثابت ہورہی ہیں۔ انہوں نے تمام لوگوں سے ان کی اور اہلیہ کی صحت کے لیے دعاؤں کی اپیل بھی کی۔