ڈر ہے مہنگائی کی وجہ سے لوگ سینیما نہیں آئیں گے، مہوش حیات

لاہور : باکس آفس پر کئی ایک ہٹ فلمیں دینے والی مہوش حیات تین سال بعد اس عید الاضحٰی پر فلم ’لندن نہیں جاؤں گا‘ میں نظر آ رہی ہیں۔

مہوش کا کہنا ہے کہ ان نئی فلم کی ریلیز کے موقعے پر کوئی دباؤ نہیں کیونکہ جب انہوں نے سکرپٹ سنا تھا تو ان کے دل نے گواہی دی تھی کہ یہ فلم لوگوں کے دلوں کو چھو جائے گی۔

مہوش حیات کا کہنا تھا کہ انتہائی مہنگائی، خراب معاشی حالات اور پھر کرونا کی وجہ سے لوگوں میں گھر رہنے اور سینیما جانے کی عادت کم ہونے سے ڈر لگتا ہے۔ عید کے موقعے پر لوگ انٹرٹینمنٹ چاہتے ہیں اور یہ فلم ایسی ہی ہے لہٰذا امید ہے کہ لوگ سینیما جا کر اسے دیکھیں گے۔

مہوش حیات کا کہنا تھا کہ اگرچہ اس فلم کا نام ’پنجاب نہیں جاؤں گی‘ سے ملتا جلتا ہے مگر ان کا کردار بالکل مختلف ہے۔مہوش حیات عید پر اپنی نئی فلم ’لندن نہیں جاؤں گا‘ کے حوالے سے پرامید ہیں لیکن ساتھ ہی انہیں ڈر ہے کہ کہیں خراب معاشی حالات کی وجہ سے لوگ سینیما نہ جائیں۔