شعیب اور ثانیہ کی علیحدگی کے معاملے پر قریبی ذرائع کا اہم دعویٰ

سابق کپتان شعیب ملک اور ثانیہ مرزا کی علیحدگی کی خبر سوشل میڈیا پر زیر بحث ہے اور اب اس حوالے سے قریبی ذرائع کا اہم دعویٰ سامنے آیا ہے۔

ذرائع کا کہنا ہےکہ شعیب اور ثانیہ کے درمیان قانونی پیچیدگیاں حل ہونے کے بعد علیحدگی کے باضابطہ اعلان کا امکان ہے کیونکہ مختلف شوز کے لئے معاہدوں اور قانونی  پیچیدگیوں کے باعث دونوں علیحدگی کی خبروں پرتبصرہ نہیں کررہے۔

قریبی ذرائع نے دعویٰ کیا ہے کہ شعیب ملک اور ثانیہ مرزا کے کئی معاہدے ہیں جو دونوں اسٹارز نے مکمل کرنے ہیں جبکہ بیٹے کیلئے دونوں ’کوپیرنٹ‘ کے طور پر معاملات چلائیں گے۔

ذرائع کا کہنا ہے کہ شعیب ملک اور ثانیہ مرزا کے درمیان ماضی میں بھی کئی بارتعلقات کشیدہ ہوئے جبکہ تاحال دونوں فریقین کی جانب سے اب تک علیحدگی کی تصدیق یا تردید نہیں کی گئی ہے۔