قومی ترقیاتی کونسل نے نیشنل کوسٹل ڈیولپمنٹ اتھارٹی بنانے کی منظوری دے دی

اسلام آباد: وزیراعظم کی زیرصدارت قومی ترقیاتی کونسل نے نیشنل کوسٹل ڈویلپمنٹ اتھارٹی قائم کرنے کی منظوری دے دی۔

وزیراعظم عمران خان کی زیرصدارت نیشنل ڈویلپمنٹ کونسل کا اجلاس اسلام آباد میں ہوا۔ جس میں بلوچستان اور خیبرپختونخوا میں ضم ہونے والے سابق قبائلی اضلاع کی ترقی کیلئے متعدد فیصلوں کی منظوری دی گئی۔

اجلاس میں نیشنل کوسٹل ڈویلپمنٹ اتھارٹی قائم کرنے، گڈانی میں بندرگاہ اورحب میں خصوصی اقتصادی زون کے قیام کیلئے فیزیبلٹی سٹڈی کی منظوری دی گئی۔ نیشنل کوسٹل ڈویلپمنٹ اتھارٹی جیوانی، گوادر، پسنی، مکولا، اورمارا، کنڈ ملیر، ہنگول پارک اورمیانی حورسمیت صوبہ کے ساحلی علاقوں میں سیاحت کے فروغ اورسیاحتی مقامات کو ترقی  دے دی۔

 اجلاس میں گوادر سپیشل اکنامک ڈسٹرکٹ کیلئے کنسیپچول فریم ورک کی منظوری دی گئی۔بلوچستان کیلئے ترقیاتی پلان پر تفصیلی پریزینٹیشن پیش کی گئی جس میں صوبہ میں سلامتی کی صورتحال بالخصوص بارڈر مینجمنٹ میں مزید بہتری، ریاست کی عملداری میں اضافہ اورصوبہ کے عوام کی بہتری کیلئے سماجی اوراقتصادی ترقی کے اہم شعبوں کا احاطہ کیا گیا تھا۔

اجلاس کے شرکاء کو بتایا گیاکہ ماضی میں صوبہ کو نظراندازکرنے، رابطوں اوراقتصادی مربوطیت میں کمی، سلامتی کے چیلنجوں، وسائل کے عدم استعمال اورناقص انتظام وانصرام کی وجہ سے صوبہ میں غربت میں اضافہ ہوا۔

اجلاس کو بتایا گیا کہ گزشتہ 8 برسوں میں صوبہ میں ترقی کیلئے اخراجات کے جائزہ میں معلوم ہواہے کہ اس دوران مجموعی طورپر45 فیصد فنڈز ضائع یا چوری ہوئے۔