ایف بی آر کمشنر سے ٹیکس وصولیاں بڑھانے کیلئے 1ہفتے میں تجاویز طلب

اسلام آباد: چیئرمین ایف بی آر شبر زیدی نے تمام چیف کمشنرز کو کارکردگی بہتربنانے اور ٹیکس وصولیوں میں اضافے سے متعلق تجاویز ایک ہفتے میں جمع کرانے کے احکامات جاری کیے۔

چیئرمیں ایف بی آر شبر زیدی نے تمام چیف کمشنرز کو خط لکھا ہے، تمام افسران کو اپنی کارکردگی پر نظر ثانی کرنے کی کی ہدایت کردی گئی،خط میں لکھاگیاہے کہ ماضی میں 60 فیصد انکم ٹیکس افسران کی ذاتی کوششوں سے وصول ہوتا تھا جبکہ اس وقت تقریبا 66 فیصد ٹیکس خودکار نظام سے وصول ہوجاتا ہے۔

ایف بی آر کے مطابق مالی سال19-2018 میں 1400 ارب روپے کا انکم ٹیکس وصول ہوا، جس میں سے 65 فیصد یا 960 ارب روپے ود ہولڈنگ ٹیکس کی مد میں وصول ہوئے۔ اس لئے تمام چیف کمشنرز سسٹم میں بہتری سے متعلق ایک ہفتے میں تجاویز ایف بی آر میں جمع کرائیں۔