رواں مالی سال کے پہلے5 ماہ میں تجارتی خسارے 34.42 کم ہوا، وزارت تجارت

اسلام آباد: رواں مالی سال کے پہلے 5ماہ میں تجارتی خسارہ 34.42فیصد کم ہوگیا، جولائی تا نومبر تجارتی خسارہ 9ارب 49کروڑ 60لاکھ ڈالرز رہا۔ گذشتہ سال اسی عرصے میں تجارتی خسارہ 14ارب47 کروڑ 90لاکھ ڈالرز تھا۔

وزارت تجارت کی جانب سے جاری کردہ اعداد و شمار کے مطابق رواں مالی سال کے پہلے 5ماہ کے دوران برآمدات میں 4.80فیصد اضافہ جب کہ درآمدات میں 19.27فیصد کمی ہوئی۔ جولائی تا نومبر تجارتی خسارہ 9ارب 49کروڑ 60لاکھ ڈالرز رہا، جب ک گذشتہ سال اسی عرصے میں تجارتی خسارہ 14ارب47 کروڑ 90لاکھ ڈالرز تھا۔

سرکاری اعداد و شمار کے مطابق رواں مالی سال جولائی تا نومبر برآمدات9 ارب 55کروڑ ڈالرز رہیں، گذشتہ سال اسی عرصے میں برآمدات کا حجم 9ارب 11کروڑ30لاکھ ڈالرز تھا۔  پہلے پانچ ماہ کے دوران درآمدات19 ارب 4کروڑ 60لاکھ ڈالرز رہیں، نومبر 2019میں برآمدات میں 9.60فیصد اضافہ ہوا۔نومبر میں برآمدات 2ارب ڈالرز سے زائد رہیں، گذشتہ سال نومبر میں برآمدات 1ارب 84کروڑ 38لاکھ ڈالرز تھیں۔

نومبر2019میں درآمدات میں 17.53فیصد کمی کے ساتھ مجموعی حجم3ارب 81کروڑ 50لاکھ ڈالرز رہا، گذشتہ سال نومبر میں درآمدات 4ارب 62کروڑ 26لاکھ ڈالرز تھیں، رواں برس نومبر کے مہینے میں تجارتی خسارہ 35.50فیصد کم ہو کر 1ارب 70کروڑ 50لاکھ ڈالرز رہا۔ نومبر 2018 میں تجارتی خسارہ 2ارب 78کروڑ 30لاکھ ڈالرز تھا۔