چھوٹے تاجروں کیلئے فکسڈ ٹیکس کا مسودہ تیار، آئندہ ہفتے ٹیکس شرح کا اعلان ہوگا

اسلام آباد: فیڈرل بورڈ آف ریونیو (ایف بی آر)نے چھوٹے تاجروں کے لیے فکسڈ ٹیکس کا مسودہ تیار کر لیا ہے جس کے تحت ملک بھر کے چھوٹے دکاندار سال میں دو بار مجوزہ ٹیکس کی ادائیگی کریں گے۔

 ایف بی آر کے مسودہ کے مطابق فکسڈ ٹیکس ادا کرنے والے چھوٹے دکانداروں کا کوئی آڈٹ نہیں ہوگا اور نہ ہی چھوٹے دکانداروں پر وِد ہولڈنگ ٹیکس وصولی کی پابندی ہوگی۔چھوٹے دکاندروں کیلئے ویلتھ اسٹیٹمنٹ داخل کرنا بھی ضروری نہیں ہو گا۔

ذرائع نے بتایا کہ ایف بی آر کی جانب سے چھوٹے دکانداروں سے ٹیکس وصولی مختلف کیٹگری کے لیے الگ الگ متعارف کروائی جائیں گی۔ 150 اسکوائر فٹ کی دکان سے سالانہ 35 ہزار روپے فکسڈ ٹیکس وصول کرنے کی تجویزہے جبکہ 150 سے 300 اسکوائر فٹ کی دکان پر سالانہ 40 ہزار روپے فکسڈ ٹیکس کی تجویز ہے۔

ایف بی آر کی جانب سے چھوٹے دکانداروں سے سالانہ بنیادوں پر فکسڈ ٹیکس ریٹ میں 5 ہزار روپے اضافہ کرنے کی بھی تجویز دی گئی ہے۔ چھوٹے تاجروں کے لیے فکسڈ ٹیکس کی شرح کا اعلان آئندہ ہفتے کیا جائے گا