پاکستان کو ڈاکٹرز، ڈینٹیسٹ کی شدید کمی کا سامنا،9 ہزار افراد کیلئے صرف 1 ڈینٹیسٹ

اسلام آباد:ایک سال کے دوران ملک میں 12 ہزار 726 ڈاکٹرز کااضافہ ہوا جس کے بعد مجموعی تعداد 2لاکھ 45 ہزار 987 ہوگئی ۔ ڈاکٹرز کی تعداد میں ا ضافے کے باجود اب بھی ملک میں 963 افراد کے لئےصرف 1 ڈاکٹر جبکہ 9413 شہریوں کے لیے صرف ایک ڈینٹسٹ موجود ہے۔

اقتصادی سروے کے مطابق ایک سال میں ملک میں 2 ہزار 430 نئے ڈینٹسٹ بنے جس کے بعد ڈینٹسٹ کی تعداد 27 ہزار360 ہو چکی ہے ۔ ملکی آبادی کے تناسب سے اس وقت 9413 پاکستانیوں کے لیے صرف ایک ڈینٹسٹ موجود ہے۔ایک سال میں 4 ہزار 536 نرسوں کا اضافہ ہوا جسکے بعد یہ تعداد 1لاکھ 16 ہزار 659 ہوگئی ہے۔رجسٹرڈ ہیلتھ وزیٹرز کی تعداد 21 ہزار 361 ہے ۔

ایک سال کے دوران ہسپتالوں ، ڈسپنسریز،زچہ بچہ مراکز ،رورل ہیلتھ سنٹرز اور ٹی بی سنٹرز کی تعداد میں کوئی اضافہ نہیں ہوا جبکہ ہسپتالوں میں بیڈزکی تعداد بھی گزشتہ سال کی سطح پر برقراررہی۔۔