ہواوے نے ریاضی اور کمپیوٹنگ میں بنیادی تحقیق کیلئے تحقیقی مرکز کا افتتاح کر دیا

ہواوے بورڈ کے ڈائریکٹر اور انسٹی ٹیوٹ آف اسٹریٹجک ریسرچ کے صدر ولیم سو نے ایک ویڈیو پیغام میں کہا ہے کہ ریاضی نے گذشتہ 30 برسوں میں مواصلات کی ترقی میں کلیدی کردار ادا کیا ہے۔ اس حوالے سے ہواوے نے ریاضی اور کمپیوٹنگ میں بنیادی تحقیق کیلئے وقف کردہ تحقیقی مرکز کا افتتاح کر دیا ہے۔

فرانکو اطالوی ریاضی دان جوزف لوئس لگنج کے نام سے منسوب وسطی پیرس میں واقع نیا سنٹر فرانس کا چھٹا تحقیقی مرکز ہے۔ نیا سینٹر ریاضی اور حساب کتاب میں بنیادی تحقیق کیلئے وقف ہے۔ پچھلے پانچ تحقیقی مراکز جو ہواوے نے 2013 سے فرانس میں قائم کیے تھے۔بنیادی طور پر وائرلیس مواصلات، مصنوعی ذہانت ، ڈیزائن ، تصویری پروسیسنگ اور سینسر جیسے شعبوں میں قابل عمل تحقیق پر توجہ مرکوز کرتے ہیں۔

انہوں نے کہا کہ لگراج سینٹر دنیا بھر کے تمام ریاضی دانوں کیلئے کھلا پلیٹ فارم ہے۔ اس کے نتائج سے ہماری پوری صنعت کو فائدہ ہوگا۔ نئے سینٹر میں تقریبا 30،30 سائنس دانوں کو اکٹھے کیا جائے گا جن میں بیرون ملک سے 10 کے قریب شامل ہیں ۔جن کے کام کو علمی دنیا اور سائنسی برادری کے ساتھ بانٹ دیں گے۔

اس کے با قاعدہ طور پر سیمینار تحقیقی شراکت داروں جیسے انسٹی ٹیوٹ آف ہائی سائنٹیفک سٹڈیز اور ایکول نورمل سپریئر کیساتھ ساتھ دیگر مشہور بین الاقوامی اداروں کے اشتراک سے منعقد ہوں گے۔ قوی امید ہے کہ اس مرکز کو ایک حقیقی فانڈیشن میں تیار کیا جائے گا۔ اگر ہم خاص طور پر مصنوعی ذہانت کے میدان میں نمایاں پیشرفت کرنا چاہتے ہیں تو یہ ضروری ہے کہ سائنسی اور تکنیکی ایجادات کی حمایت کرکے تحقیق کی بنیادی حدود کو پیچھے چھوڑ دیں۔

آئل ڈی فرانس کے صدر ویلری پیریسی نے ویڈیو لنک کے ذریعے اس افتتاحی تقریب میں شرکت کی۔ انہوں نے کہا کہ اس کے 3000محققین کیساتھ فرانس خطہ دنیا میں ریاضی دانوں کی سب سے بڑی مارکیٹ کی نمائندگی کرتا ہے۔یہ مرکز بلا شبہ ریاضی کی دنیا کی بہترین صلاحیتوں کو راغب کرنے میں مدد کرے گا۔