یوایس اوپن ویمن سنگلز: عالمی نمبرون انجلیک کربر اورماریا شراپووا کو شکست

نیویارک: یو ایس اوپن ویمن سنگلز میں پہلا اپ سیٹ ہوگیا، سابق عالمی نمبر ون انجلیک کربر غیر معروف حریف سے ہار کر ٹورنامنٹ سے باہر ہو گئیں، سرینا ولیمز نے ماریہ شراپوا کو پہلے ہی راؤنڈ میں آؤٹ کر دیا جب کہ سیڈ ٹو ایشلے بارٹی غیر معروف قازقستانی حریف سے ہارتے ہارتے بچیں۔

ٹینس سیزن کے آخری گرینڈ سلیم میں سابق عالمی نمبر ون انجلیک کربر کا مقابلہ غیر معروف فرانسیسی حریف کرسٹینا سے ہوا۔ جرمنی کی سپر سٹار اپنی برتری اور مہارت نہ دکھا سکیں، پہلے ہی سیٹ میں شکست، دوسرے سیٹ میں کم بیک تو کیا لیکن تیسرا اور فیصلہ کن سیٹ ہار کر انجلیک کربر مداحوں کو مایوس کر دیا۔

ریکارڈ ہولڈر سرینا ولیمز نے روس کی ماریہ شراپووا کو جم کر نہ کھیلنے دیا، برتری کی دھاک بٹھاتے ہوئے سٹریٹ سیٹس میں فتح سمیٹی، 23 بار کی گرینڈ سلیم چیمپئن سرینا ولیمز کی جیت کا سکور چھ ایک اور چھ ایک رہا۔

دوسرے میچ میں آسٹریلیا کی ایشلے بارٹی کا قازقستانی ڈائیاس سے مقابلہ ہوا، غیرمعروف کھلاڑی نے سیڈ ٹو ایشلے بارٹی کو پہلے سیٹ میں چھ ایک سے ہرا کر اپ سیٹ کیا۔ آسٹریلوی کھلاڑی نے تجربہ کاری اور ہمت دکھاتے ہوئے کم بیک کیا، دوسرا اور سیٹ جیت کر مشکل سے میچ اپنے نام کر لیا۔