رومان رئیس پی ایس ایل فائیو میں بھرپور کارکردگی دکھانے کے لئے پرعزم

کراچی: پاکستان سپر لیگ کی سابق چیمپئن اسلام آباد یونائیٹڈ کے کھلاڑی رومان رئیس نے کہا ہے کہ اب وہ مکمل طور پر فٹ ہوچکے ہیں اور پی ایس ایل فائیو میں بھرپور کارکردگی دکھانے کے لئے تیار ہیں۔

نیشنل اسٹیڈیم کراچی میں میڈیا کے نمائندوں سے گفتگو کرتے ہوئے رومان رئیس کا کہنا تھا کہ وہ اسلام آباد یونائیٹڈ کے شکر گزار ہیں جس نے برے وقت میں بھی سپورٹ کیا اور انجری کے بعد میری بھرپور مدد کی۔

رومان رئیس نے کہا وہ چاہتے ہیں کے بہتر سے بہتر کارکردگی کا مظاہرہ کریں،  اور پاکستان سپر لیگ (پی ایس ایل) 5 کے حوالے سے بہت پر امید ہوں، اس مرتبہ مختلف نظر آؤں گا۔