ایشیا کپ 2022، روایتی حریف پاکستان اور بھارت کے میچ کی تاریخ آگئی

ایشیا کپ 2022 میں روایتی حریف پاکستان اور بھارت کا مقابلہ 28 اگست کو ہوگا، بھارت ایونٹ میں ٹائٹل کا دفاع کریگا۔

ایشیا کپ 2022 سری لنکا میں 27 اگست سے 11 ستمبر تک کھیلا جائے گا، جس میں ایشیا سے تعلق رکھنے والی 6 ٹیمیں شرکت کریں گی۔

ایشیا کپ 2022 میں روایتی حریفوں پاکستان اور بھارت کا بڑا مقابلہ 28 اگست کو ہوگا۔ ٹورنامنٹ میں میزبان سری لنکا، پاکستان، بھارت، افغانستان اور بنگلہ دیش کی ٹیمیں حصہ لیں گی، آخری ٹیم کا فیصلہ 20 اگست سے شروع ہونیوالے کوالیفائر کے بعد ہوگا۔

ایشیا کپ آخری بار 2018 میں ہوا تھا، جس میں بھارت نے کامیابی حاصل کی تھی۔ایشیا کپ کا انعقاد ہر 2 سال بعد کیا جاتا ہے سال 2020 میں ایشین کرکٹ کونسل نے کرونا کے باعث ٹورنامنٹ منسوخ کردیا تھا، آئندہ ایشیا کپ 2023 کی میزبانی پاکستان کرے گا