بابر اعظم کا آؤٹ آف فارم ویرات کوہلی کا حوصلہ بڑھانے کیلئے پیغام

قومی کرکٹ ٹیم کے کپتان بابر اعظم نے آؤٹ آف فارم ویرات کوہلی کے لیے پیغام جاری کیا ہے۔

بابر اعظم نے ٹویٹر پر اپنی اور ویرات کوہلی کی تصویر پوسٹ کرتے ہوئے لکھا کہ’مضبوط رہیں، یہ وقت بھی گزر جائے گا’۔

This too shall pass. Stay strong. #ViratKohli pic.twitter.com/ozr7BFFgXt

— Babar Azam (@babarazam258) July 14, 2022

ویرات کوہلی ناقص کارکردگی کی وجہ سے تنقید کی زد میں ہیں۔ گزشتہ روز بھارتی کرکٹ بورڈ نے دورہ ویسٹ انڈیز کے لیے آؤٹ آف فارم ویرات کوہلی کو ٹیم سے باہر کیا۔بھارتی میڈیا کے مطابق سابق کپتان ویرات کوہلی کو دورہ ویسٹ انڈیز کے لیے آرام دے دیا گیا ہے، ویرات کوہلی ویسٹ انڈیز کے دورے کے لیے اسکواڈ میں شامل نہیں ہیں۔

میڈیا رپورٹس کے مطابق ویرات کوہلی پہلے آؤٹ آف فارم تھے تاہم اب فٹنس مسائل سے دوچار ہیں۔