کپتان بابر اعظم نے 16 سال بعد رکی پونٹنگ کا ریکارڈ برابر کر دیا

اسلام آباد: قومی کرکٹ ٹیم کے کپتان بابر اعظم نے سابق آسٹریلوی کپتان رکی پونٹنگ کا 16 سالہ ریکارڈ برابر کر دیا۔

آسٹریلیا کو بطور کپتان 2 ورلڈکپ اور دو آئی سی سی چیمپئنزٹرافی جتوانے والے رکی پونٹنگ نے 2005 میں ریکارڈ قائم کیا تھا جو اب تک برقرار تھا۔ وہ واحد بلے باز تھے جو ٹی ٹوئنٹی اور ایک روزہ میچ کی رینکنگ میں سال کے اختتام تک پہلے نمبر پر تھے۔

The king of limited-overs cricket 👑

Babar Azam will only be the second batter after Ricky Ponting to end the year as the top-ranked batter in ODIs and T20Is 👏#Pakistan pic.twitter.com/LqhrrfNa2w

— CricWick (@CricWick) December 23, 2021

پاکستان کرکٹ ٹیم کے کپتان بابر اعظم نے رکی پونٹنگ یہ ریکارڈ 16 سال بعد برابر کر دیا ہے، وہ آئی سی سی ٹی ٹوئنٹی اور ایک روزہ بین الاقوامی میچوں کی رینکنگ میں سال کے اختتام تک نمبر ون بلے باز ہیں۔

رواں سال قومی کرکٹ ٹیم کے لیے بہاروں کا سال ثابت ہوا کیونکہ قومی کرکٹ ٹیم کے کھلاڑیوں نے امسال درجنوں ریکارڈ اپنے نام کر لیے۔ قومی کرکٹ ٹیم کے کپتان بابر اعظم نے 2021 میں نہ صرف وائٹ بال کرکٹ میں بہترین بلے باز ہونے کا اعزاز حاصل کیا بلکہ اپنے پہلے ٹی ٹوئنٹی ورلڈکپ میں سب سے زیادہ رنز بنائے کا بھی اعزاز حاصل کیا۔ بابر اعظم نے ایک سال میں دوسرے نمبر پر سب سے زیادہ رنز بنانے کا بھی ریکارڈ اپنے نام کر لیا۔

ایک سال میں سب سے رنز بنانے کا اعزاز بھی قومی ٹیم کے وکٹ کیپر محمد رضوان کے پاس ہی ہے۔ انہوں نے رواں سال 2 ہزار سے زائد رنز بنائے۔