فاسٹ بالر محمد عامر نےانٹرنیشنل کرکٹ سے ریٹائرمنٹ کا اعلان کر دیا

پاکستان کے فاسٹ بالر محمد عامر نے بھی انٹرنیشنل کرکٹ سے ریٹائرمنٹ کا اعلان کر دیا ہے۔

تنازعات اور ‘اسپاٹ فکسنگ’ اسکینڈل میں گھرے رہنے والے محمد عامر نے دوسری مرتبہ بین الاقوامی کرکٹ کو خیر باد کہا ہے۔

اپنی سوشل میڈیا پوسٹ میں محمد عامر کہنا تھا کہ “بہت غور کرنے کے بعد میں نے انٹرنیشنل کرکٹ سے ریٹائرمنٹ کا مشکل فیصلہ کیا ہے۔”

محمد عامر کا کہنا تھا کہ ایسے فیصلے لینا آسان نہیں ہوتا، لیکن وقت آ گیا ہے کہ نئی نسل آگے بڑھے اور پاکستان کرکٹ کو نئی بلندیوں پر لے جائے۔

پیسر کا مزید کہنا تھا کہ وہ پاکستان کرکٹ بورڈ، اپنی فیملی، فینز اور دوستوں کے شکر گزار ہیں۔

محمد عامر سے قبل جمعے کو آل راؤنڈر عماد وسیم نے بھی بین الاقوامی کرکٹ سے ریٹائرمنٹ کا اعلان کیا تھا۔