فیفا ورلڈکپ:سمندری سیکیورٹی کےلئے بحری جہاز پی این ایس تبوک کی قطر آمد

فیفا ورلڈ کپ کے دوران قطری حکومت کو میری ٹائم سیکیورٹی میں معاونت فراہم کرنے کےلئے پاک بحریہ کا جہاز پی این ایس تبوک کا قطر کی بندرگاہ پہنچ گیا۔

قطر کی بندرگاہ آمد پر پاکستانی سفارتی حکام اور میزبان بحریہ کے اعلی افسران نے جہاز کا استقبال کیا۔جہاز کے کمانڈنگ آفیسر نے میزبان بحریہ کے اعلی حکام سے ملاقاتوں کے دوران فیفا ورلڈ کپ 2022 کی میری ٹائم سیکیورٹی پر تبادلہ خیال کیا۔ترجمان پاک بحریہ کے مطابق پی این ایس تبوک کی انٹرنیشنل میگا ایونٹ فیفا ورلڈ کپ 2022 کے دوران میری ٹائم سیکیورٹی میں معاونت پاک بحریہ کی پیشہ ورانہ صلاحیتوں پر اعتماد کا اظہار ہے۔