پہلا ون ڈے، پاکستان نے نیدرلینڈ کو 16 رنز سے شکست دے دی

پاکستان نے پہلے ایک روزہ میچ میں نیدرلینڈ کو 16 رنز سے شکست دے دی۔

روٹر ڈیم کے میدان میں کھیلے گئے میچ میں میزبان ٹیم پاکستان کی جانب سے جیت کے لیے دیا گیا 315 رنز کا ہدف حاصل کرنے میں ناکام رہی اور مقررہ اوورز میں 8 وکٹوں کے نقصان پر 298 رنز بنا سکی۔

نیدر لینڈز کی جانب سے کپتان ایڈورڈز نے 70 جبکہ ٹام کوپر نے 65 رنز بنائے، پاکستان کی جانب سے ڈیبیو کرنے والے نسیم شاہ اور حارث روف نے تین تین کھلاڑیوں کو آؤٹ کیا۔

اس سے پہلے پاکستان نے نیدر لینڈز کے خلاف ٹاس جیت کر بیٹنگ کا فیصلہ کیا۔ قومی ٹیم کی جانب سے فخر زمان نے شاندار سنچری اسکور کی، فخر زمان نے 109 گیندوں پر 109 رنز کی اننگز کھیلی جس میں 12 چوکے اور ایک چھکا شامل ہے۔فخر زمان کو شاندار سنچری سکور کرنے پر میچ کا بہترین کھلاڑی قرار دیا گیا۔

کپتان بابراعظم نے 74 اور شاداب خان 48 رنز بنا کر نمایاں رہے، نیدرلینڈ کے بولر وین بیک اور لیڈ نے بالترتیب دو دو وکٹیں حاصل کیں۔ قومی ٹیم نے مقررہ پچاس اوورز میں چھ وکٹوں کے نقصان پر 314 رنز بنائے۔

Pakistan go 1️⃣-0️⃣ up after winning the first ODI by 16 runs! 🙌#NEDvPAK | #BackTheBoysInGreen pic.twitter.com/ffLntsJfu6

— Pakistan Cricket (@TheRealPCB) August 16, 2022

اس جیت کے ساتھ قومی ٹیم کو تین میچوں پر مشتمل سیریز میں ایک صفر کی برتری حاصل ہو گئی ہے۔