پاکستان میں کھیلنے کیلئے ریٹائرمنٹ کا فیصلہ واپس لے سکتا ہوں، معین علی

لندن : انگلینڈ کے آل راؤنڈر معین علی نے پاکستان میں ٹیسٹ کھیلنے کی خواہش کا اظہار کر دیا۔

انگلینڈ کرکٹ ٹیم کے معین علی نے ایک میچ کی لائیو کمنٹری کے دوران سابق کپتان السٹر کوک سے مکالمے میں کہا کہاگر انگلینڈ نے مجھے پاکستان کے دورے میں شرکت کا پوچھا تو وہ ٹیسٹ کرکٹ سے اپنی ریٹائرمنٹ کا فیصلہ واپس بھی لے سکتے ہیں۔

معین علی کا تعلق پاکستان سے ہے، بی بی سی ٹیسٹ میچ اسپشل میں بات کرتے ہوئے انہوں نے کہا کہ وہ پاکستان میں سپر لیگ کھیل چکے ہیں لیکن انگلینڈ ٹیم کے ساتھ پاکستان جانا تاریخی ہو گا، کیونکہ انگلینڈ ٹیم کئی سالوں سے پاکستان کھیلنے نہیں گئی۔معین علی کا کہنا تھا کہ میں جانتا ہوں کہ پاکستان کے لوگ کرکٹ سے کتنی محبت کرتے ہیں، اور ان کا پیار ہمیشہ آپ کو خوش کرتا ہے۔ انہوں نے بتایا کہ وہ رواں برس موسم سرما میں پاکستان کا دورہ کرنے کو بھی تیار ہوں گے۔

Officially un-retired! 👀

📻 Listen to @bbctms live on @BBCSounds#AskMo #BBCCricket #ENGvNZ pic.twitter.com/lCQagIB184

— Test Match Special (@bbctms) June 12, 2022

نیوزی لینڈ کے سابق کپتان میک کولم نے ہیڈ کوچ کی ذمہ داریاں سنبھالنے کے بعد کہا تھا کہ وہ وائٹ بال کی کرکٹ تک محدود ہونے والے اسٹارز کو واپس ٹیسٹ کرکٹ میں لانے کی کوشش کریں گے۔