آئی سی سی نے ٹیسٹ پلیئر آف دی ائیر کیلئے نامزدگیوں کا اعلان کر دیا

اسلام آباد: انٹرنیشنل کرکٹ کونسل نے ٹیسٹ پلیئر آف دی ائیر 2021 کے لیے 4 کھلاڑی نامزد کر دیئے۔

نامزد کھلاڑیوں میں انگلش کپتان جوئے روٹ، بھارتی آف سپنر روی چندرن اشون ، نیوزی لینڈر فاسٹ باولر کائل جیمیسن اور سری لنکن بیٹر دیموتھ کارنارتنے کو شامل کیا گیا ہے۔ حیران کن طور پر آئی سی سی نے پاکستان کا کوئی کھلاڑی اس فہرست میں شامل نہیں کیا حالانکہ قومی ٹیم کے فاسٹ بولر شاہین شاہ آفریدی رواں سال دوسرے نمبر پر سب سے زیادہ وکٹیں لینے والے کھلاڑی ہیں۔
کرک انفو کے مطابق رواں سال بھارت کے اسپنر روی ایشون نے ٹیسٹ کرکٹ میں سب سے زیادہ 52 وکٹیں لے رکھی ہیں جب کہ قومی ٹیم فاسٹ بولر شاہین شاہ آفریدی 47 اور حسن علی 41 وکٹوں کے ساتھ دوسرے اور تیسرے نمبر پر موجود ہیں۔ آئی سی سی نے نیوزی لینڈ کے فاسٹ بولر کائل جیمیسن کو نامزد کیا ہے جن کی رواں سال وکٹوں کی تعداد محض 27 ہے۔

Surprised why Shaheen Afridi and Hassan Ali are not nominated before Kyle Jamieson. All of their numbers are better. pic.twitter.com/z8yzqVrRY0

— Jibran T. Siddiqui (@jibransiddiqui) December 28, 2021

دوسری جانب سوشل میڈیا پرمداح آئی سی سی کے اعلان کو غیر منصفانہ قرار دے رہے ہیں۔ ایک صارف نے اپنی ٹوئٹ میں لکھا کہ آئی سی سی نے شاہین شاہ کا انتخاب نہیں کیا جب کہ ان اعدادوشمار کائلی جیمسن سے بہت بہتر ہیں۔