نیوزی لینڈ کے اعجازپیٹل کی انڈیا کے خلاف ایک اننگز میں 10 وکٹیں

 ممبئی :ممبئی ٹیسٹ کے دوسرے دن انڈیا کی پہلی اننگز 325 رنز پر تمام ہوگئی، تمام دس کی دس وکٹیں اعجاز پٹیل نے حاصل کیں۔اس طرح وہ ٹیسٹ میچ کی ایک اننگز میں تمام دس وکٹیں وکٹیں حاصل کرنے والے دنیا کے تیسرے بولر بن گئے ہیں۔ ان سے قبل انگلینڈ کے آف سپنر جم لیکر اور انڈیا کے لیگ سپنر انیل کمبلے یہ کارنامہ انجام دے چکے ہیں۔

اعجاز پٹیل نے سنتالیس اعشاریہ پانچ اوورز میں 119 رنز دے کر یہ 10 وکٹیں حاصل کی ہیں۔ ظاہر ہے یہ کارکردگی نیوزی لینڈ کے کسی بھی بولر کی سب سے بہترین کارکردگی کا نیا ریکارڈ بھی بن گئی ہے۔ اس سے قبل سررچرڈ ہیڈلی نے نومبر 1985 میں آسٹریلیا کے خلاف برسبین ٹیسٹ کی ایک اننگز میں 52 رنز دے کر 9 وکٹیں حاصل کی تھیں۔

اعجاز پٹیل کا پورا نام اعجاز یونس پٹیل ہے۔ وہ 21 اکتوبر 1988 کو ممبئی میں پیدا ہوئے تھے۔ 1996 میں ان کی فیملی نے نیوزی لینڈ میں مستقل سکونت اختیار کرلی تھی۔ اعجاز پٹیل ابتدا میں تیز بولنگ کیا کرتے تھے لیکن بعد میں انہوں نے سپن بولنگ کو اپنا لیا۔ اعجاز پٹیل نے 30 برس کی عمر میں اکتوبر2018 میں پاکستان کے خلاف اپنے اولین ٹی ٹوئنٹی انٹرنیشنل میں بولنگ کا آغاز کیا تھا اور اس کے فوراً بعد ابوظہبی ہی میں وہ پاکستان کے خلاف اپنا پہلا ٹیسٹ کھیلے تھے۔

اعجاز پٹیل نے ٹیسٹ کرکٹ کی پہلی اننگز میں انھوں نے پاکستانی کپتان سرفراز احمد اور بلال آصف کی وکٹیں حاصل کی تھیں۔ دوسری اننگز میں ان کی 59 رنز کے عوض 5 وکٹوں کی شاندار کارکردگی نے نیوزی لینڈ کو صرف 4 رنز کی ڈرامائی جیت سے ہمکنار کردیا تھا۔ وہ فرسٹ کلاس کرکٹ کھیلنے کے چھ سال بعد انٹرنیشنل کرکٹ میں آئے تھے۔

اعجاز پٹیل سے قبل انگلینڈ کے آف سپنر جم لیکر نے یہ کارنامہ جولائی 1956 میں آسٹریلیا کے خلاف اولڈ ٹریفرڈ میں انجام دیا تھا۔ انھوں نے آسٹریلیا کی پہلی اننگز میں37 رنز دے کر9 وکٹیں حاصل کیں اور پھر دوسری اننگز میں 53 رنز کے عوض آسٹریلیا کے تمام 10 بیٹسمینوں کو آؤٹ کرڈالا۔ اس طرح انہوں نے اس ٹیسٹ میچ میں 90 رنز دے کر 19 وکٹیں حاصل کی تھیں۔

اس میچ میں جم لیکر کی دسترس سے باہر رہنے والی واحد وکٹ جم برک کی تھی جنھیں ٹونی لاک نے آؤٹ کیا تھا۔ انڈین لیگ سپنر انیل کمبلے نے اننگز میں دس وکٹیں فروری 1999 میں پاکستان کے خلاف دہلی ٹیسٹ میں حاصل کی