بھارتی اداکارہ اروشی روٹیلا کو جانتا تک نہیں، نسیم شاہ

فاسٹ باولر نسیم شاہ کا کہنا ہے کہ بھارتی اداکارہ اروشی روٹیلا کو جانتے تک نہیں، تمام پسند کرنے والوں کا شکریہ ادا کرتا ہوں۔

بھارت کی بولڈ اداکارہ نے اُروشی روٹیلا نے چند دن قبل ایشیا کپ کے پاکستان اور بھارت کے میچ کے دوران نسیم شاہ کی ایڈٹ شدہ ویڈیو اپنی انسٹاگرام اسٹوری میں شیئر کی تھی، جس پر اداکارہ خبروں کی زینت بنی تھیں۔

اروشی روٹیلا کی جانب سے شیئر کی گئی ویڈیو میں نسیم شاہ کو کرکٹ گراؤنڈ میں مسکراتے ہوئے دکھایا گیا تھا جبکہ اسی ویڈیو میں اداکارہ خود حیرانگی سے قومی ٹیم کو دکھائی دی تھیں۔

Song is hurting 💔#UrvashiRautela pic.twitter.com/us8XnlCX8y

— Mahi🇵🇰 (@Momminahh) September 6, 2022

دبئی میں صحافیوں سے گفتگو کرتے ہوئے نسیم شاہ نے نہ صرف اروشی روٹیلا کے معاملے پر بات کی بلکہ انہوں نے افغانستان کے خلاف اپنی شاندار پرفارمنس پر بھی بات کی۔

Naseem shah smiles ones again on question about Urvashi Rautela @UrvashiRautela @BCCI #NaseemShah pic.twitter.com/RvpWxajnYX

— Haseeb Arslan (@haseebArslanUK) September 10, 2022

قومی ٹیم کے فاسٹ باؤلر نے اس بات پر خدا کے شکرانے ادا کیے کہ انہوں نے افغانستان کے خلاف اچھی پرفارمنس دکھا کر قومی ٹیم کو میچ جتوایا۔ میں بلے باز نہیں مگر کوشش کرتا ہوں کریز پر بلے بازوں کا ساتھ دوں اور مایوس نہ کروں، افغانستان کے خلاف جس بلے سے دو چھکے لگائے تھے، وہ فروخت کے لیے پیش کر دیا ہے، حاصل ہونے والی رقم سیلاب متاثرین میں تقسیم کی جائے گی۔

ایک سوال کے جواب میں انہوں نے کہا کہ وہ آسمان سے اُترے ہوئے نہیں ہیں اور نہ ہی ان میں کچھ خاص ہے مگر پھر بھی جو لوگ انہیں پسند کرتے ہیں اور ان سے پیار کرتے ہیں، وہ ان کے مشکور ہیں۔ انہیں کسی چیز کا کچھ پتہ نہیں ہوتا، وہ صرف گراؤنڈ میں کھیل کھیلتے ہیں اور اسی پر توجہ دیتے ہیں، لوگ انہیں ویڈیوز بھیجتے رہتے ہیں مگر انہیں کسی چیز کا کوئی علم نہیں۔ ان کا فی الحال ایسا ویسا کوئی ارادہ نہیں، وہ صرف کرکٹ پر توجہ دینا چاہتے ہیں۔

نسیم شاہ نے دعویٰ کیا کہ وہ اروشی روٹیلا کو نہیں جانتے، انہیں معلوم نہیں کہ وہ کون ہیں؟۔